Galera,
Dipos di munti stres, nu sta xeiu di motivu pa kumumora: dja nu poi BETON. Nu sta na 1 aligria so, gósi dja nu ten 1 tétu. Hahahahaha!
Má klaru ki pa nu txiga kuzas arma kansá-nu. Kofraji termina 24 di Maiu (15 dia sima es tinha fladu), má beton so ben sai 10 dia dipos, duranti kes dia la obra stivi tutalmenti paradu. Un munti kuza kontisi:
- Ferêru bai trabadja 2 bez i ka tinha féru. So dipos di nu riklama ki kuzas rizolvi. li sin nu pudia ganha 2 dia. Má paxenxa!
- Dipos di kába di kofra (tersa fera 24 di Maiu), nos injinheru fla ma nu sta bába poi beton kumpradu (kes ki ta ben dja prontu), i e kontakta gentis di CVC, ki fla ma es ka ta podeba poi na kes 2 dia siginti pamó es tinha karu tudu okupadu na 1 beton ki es staba ta poi na kâx di Praia. Má e fla ma ta daba 1 jêtu.
- Kuarta fera nu torna tilifona omi di CVC, i e fla ma sis trabadjador staba ta prugrama um grevi di 48H (kinta i sesta), i me staba ta spera sis disizon pa sabi si ta daba ou nau. Pa nos azar kes trabadjador fazi grevi me, i klaru ki nu flipa pamó si nu skodjeba métudu tradisional kuzas dja staba rizolvedu.
- Sesta fera nu torna liga omi, pamo nu odja na TV ma es konsigi txiga a 1 akôrdu i omi fla-nu ma komu e tivi 1 dia i tal paradu ma kel fin di simana la staba difisil i era midjor nu fazeba el na tersa fera siginti. No konkorda má nu skesi ma tersa fera era friádu (1 di junhu). Purtantu so kuarta ki kuza ta filaba.
- Da kuarta fera, i nada di beton. Nu ka mesti nem fla nhos mó ki nu staba flipaaaaaaaaaaaaadu. Afinal inda es staba ku kel otu beton atrazadu i es tinha ki kaba-l.
- Kinta fera gôôôôôô, dja staba tudu kombinadu ma es ta bába la meidia. Má es ka parsi. Nhos ta dibinha kz ki kontisi? Um pá na sentral di beton kebra i es tinha ki kompô-l. Ninguém merece!!!!!!!! Es ben kpompu kel pá so sesta fera di tardi. Na tudu kel stória li ti mi ku nha kumpádri (nos injinhêru) nu briga.
- Pa finda, onti sábadu nu liga ómi más 1 bes i finalmenti e konfirma: nu ta bai la 5H di tardi. UFFFAAA! Aliviu. Na rialidadi bomba txiga ga la 6H, i kes karu ku beton txiga 1H dipos. Dja staba ta kre bira sukuru kandu es kumesa. Teknolojia ten si valor: kel beton dura 2H30 mn, so! Si era na tempu antigu, AAAAVVVEEEEE, era di plamanhan pa noti.
Ali fotus:
Fotu 1: Suzy na Sala, kofraji dja staba kuazi ta tirmina
Fotu 2: Valdo na kuzinha, na mesmu dia
BETON
Fotu 1: logu kandu bomba txiga, trabadjador bai fitxa rua (nen nu ka tinha lisensa di kámara). Si nhos rapara, riba di kel kamion, tabadjador di CVC staba ta djobi mó ki es sta bába pasa kel brasu (tubu), pamo fiu di lus. Frónta!
Fotu 2: brasu di kel bomba. Es tivi ki po-l pasa na meiu di kes fiu, ki era pe txiga ti fundu.
Fotu 3: Suzy kontenti pamó auto-betonera txiag i beton kumesa kel ora.
Fotu 4: Valdo, mutu más trakuilu dipos di odja ma dja kumesaba.
Fotu 5: Trabadjadoris ta sis funson, trabadja masa.
Fotu 6: Pónta di kel tubu di masa. Masa ta sai ku tantu forsa ki ten ki ser 2 algen ta pega na el.
Fotu 7: Minis ki bai da-nu kel apoiu - Maly (irmá di Suzy), Valda, Valdo, Alcidia, Waldir i djongotodu Katia
Fotu 8: Minis ki bai da-nu kel apoiu - Kátia, Maly, Valda, Valdo, Suzy, Soraia, Nenê, Alcidia, i Mario (fidjo Kátia)
Era tudu pa oji. Di li a 14 dia nu ta kumesa ta kofra pa beton di 3º pizu. Nu ta bá ta poi fotus do ivuluson di obra.
Nhos fika dretu, i bon simana pa nhos.
