E kumâ?
Anos ale-nu li ta ritoma obra, dja ki pur falta di verba nu tivi serka di 10 dia ku obra paradu. Má kulpa e ka di nos: gentis di obra ki distrai es ben fla-nu ma kumbu dja kaba so dipos ki dje kaba. Es divia fla-nu antis ke pa nu podi bai na banku i pidi más. Di kualker forma kuzas dja rizolvi, apizar ki banku dura 1 bokadinhu tambi.
Kel simana li go, si nada di más ka kontisi, nu ta tirmina kofraji i logu dipos, NHU BETON!
Oji gentis staba ta finda prienxi pizu, i ta prienxi lintel (kel parti ki ta fika riba di janelas).
Ali fotus:
Xtrutura di lintel di porta di sala jantar pa kintal. Material di kofraji dja sta la.
Xtrutura di lintel, odjadu di kintal pa kuzinha
Dipos di pasa tubulason di xgôtu, dja nu sta termina pizu.
Xtrutura di lintel di janela di Hall di entrada pa abrigu di karu. Di kel otu banda ta da pa odja janela di sala visita pa abrigu di karu.
Bon, sónu dja toma na mi. Nhos fika dretu, So parsi algun novidadi nu ta torna pui na Blog!
